აუტიზმი
აუტიზმი
აუტიზმის სპექტრის აშლილობა (ASD) არის ნევროლოგიური და განვითარების დარღვევა, რომელიც გავლენას ახდენს პიროვნების სოციალურ ურთიერთობებს, კომუნიკაციასა და ქცევაზე. ეს მდგომარეობა სხვადასხვა სიმძიმით გვხვდება და ხშირად 2-3 წლის ასაკში ხდება შესამჩნევი. აუტიზმის მქონე პირები შეიძლება განსხვავდებოდნენ ერთმანეთისგან, თუმცა საერთო მახასიათებლები მოიცავს:
შეიძლება ვლინდებოდეს მეტყველების შეფერხება ან მეტყველების სრულიად არ ქონა.
სოციალური უნარების სიმწირე, ან საერთოდ არ ქონა. საზოგადოებაში ადაპტაციის, ინტეგრაციის პრობლემები. სიახლეებთან და ახალ გარემოსთან შეგუების სირთულეები.
აუტიზმის მქონე პირებს შეიძლება ახასიათებდეს განმეორებითი ქცევები, როგორიც არის ხელების ქნევა, რწევა, ხტუნვა, სხვადასხვა აქტიობის გამეორება და ა.შ.
აუტიზმის სპექტრი:
აუტიზმის მქონე ადამიანების ინტელექტი სხვადასხვა განვითარების არის. ზოგიერთ მათგანს შესაძლებელია ჰქონდეს მაღალი ინტელექტი და მეტ-ნაკლებად მაღალი დამოუკიდებლობის ხარისხი, მაშინ როცა სხვა პირებს აუტიზმის დამახასიათებელი ნიშნები უფრო მკვეთრად და მძიმედ ჰქონდეს გამოხატული და ცხოვრების ყველა ასპექტში საჭიროებდნენ მუდმივ დახმარებას.
აუტიზმის მიზეზები:
აუტიზმის გამომწვევი მიზეზები ჯერ არ არის ცნობილი მედიცინისთვის. არსებობს მრავალი კვლევა, რომელიც მიანიშნებს როგორც გენეტიკურ ფაქტორებზე, ასევე მეტაბილური დარღვევებსა და გარემო ფაქტორების ზემოქმედების ერთობლიობაზე.
შესაძლო თერაპიები და სერვისები:
აუტიზმის მკურნალობის პროცესი მოიცავს სხვადასხვა მეთოდებს, რომლებიც ხელს უწყობენ ბავშვებისა და ზრდასრულთა კოგნიტური, სოციალური და ემოციური უნარების განვითარებას. ამ მეთოდებს შორის არის:
ქცევითი თერაპია არის მტკიცებულებებზე დაფუძნებული მიდგომა, რომელიც იყენებს ქცევის გამოყენებითი ანალიზის პრინციპებს და მისი მიზანია სოციალურად მნიშვნელოვანი ქცევის დასწავლა მის წინაპირობასა და შედეგზე მანიპულირებით.
თერაპია ხორციელდება ინდივიდის ქცევაზე დაკვირვებით, შეფასებით და მონაცემების გაანალიზებით, რომლის საფუძველზეც ხდება განვითარების ინდივიდუალური გეგმის შედგენა და მისი განხორციელება. მუშაობა მიმართულია როგორც საჭირო უნარების (მაგ. კომუნიკაცია, სოციალური და ფუნქციური უნარები) განვითარებაზე, შენარჩუნებასა და განზოგადებაზე, ასევე, ხელისშემშლელი ქცევის მართვაზე.
მეტყველების უნარების განვითარებაზე მუშაობა.
ხელოვნების სხვადასხვა დარგების გამოყენებით გამოხატვისა და სოციალური უნარების განვითარების ხელშეწყობა
პირის უნარების და ინტერესების გათვალისწინებით პრე და პროფესიული უნარების განვითარება და დასწავლა.
მოხალისეების პროგრამა
დაუჭირე მხარი აუტიზმის ეროვნული ცენტრის განვითარებას
ჩვენს გვერდით იყავი! გვადევნე თვალი და გააზიარე ჩვენი მიზნები.