2019 წლის დეკემბერში GIPA-ს (საქართველოს საზოგადოებრივ საქმეთა ინსტიტუტი) ბიზნეს ადმინისტრირების ფაკულტეტის სტუდენტებმა, საკურსო ნაშრომის სახით, სოციალური პასუხისმგებლობის ფარგლებში საქველმოქმედო პროექტი შეიმუშავეს. „აუტიზმის კვლევისა და ხელისშეწყობის ფონდი“-თან თანამშრომლობით, ფონდის სასაქონლო ნიშნის ეტიკეტით ჩამოასხეს სამი ტიპის ღვინო. პროდუქტი რეალიზდა თბილისსა და რუსთავში, მიღებული თანხა კი გადაირიცხა ფონდის ანგარიშზე აუტიზმის ეროვნული ცენტრის მშენებლობის მხარდასაჭერად.
